तीन दलको बैठक स्थगित गरि शीर्ष नेताहरु फुटबल हेर्न रंगशालामा

प्रमुख तीन दलका शीर्ष नेताहरुको आज हुनुपर्न बैठक भने गृहकार्य नपुगेको भन्दै स्थगित गरिए पनि दशरथ रंगशालामा भएको फुटबल हेर्न भने सँगै भेला भएका छन्। खेल हेर्न प्रधानमन्त्री बाबुराम भट्टराई लगायत शीर्ष नेताहरु भीआइपी दीर्घामा उपस्थित छन्।
माओवादी अध्यक्ष पुष्पकमल दाहाल, कङ्ग्रेस सभापति सुशील कोइराला, विपक्षी दलका नेता रामचन्द्र पौडेल, एमाले नेता माधवकुमार नेपाल, केपी ओली, वामदेव गौतम, पूर्व प्रधानमन्त्री शेरबहादुर देउवा, सभामुख सुवास नेम्वाङ, राप्रपा नेपालका अध्यक्ष कमल थापा पनि रंगशालाको भीआइपी दीर्घामा छन्।