केन्द्रिय संसद दु्ई सदनात्मक वनाउने सहमति

नयाँ संविधानमा केन्द्रिय व्यवस्थापिका-संसद दुई सदनात्मक राख्ने सहमति भएको छ । संबिधानका विवादास्पद विषय टुग्याउन गठित संवैधानिक समिति अन्र्तगतको उपसमितिको आज संसद सचिवालयमा बसेको पहिलो बैठकले यस्तो सहमति गरेको हो । यो दुई सदनात्मक ब्यवस्थापिका संसदको क्षेत्राधिकारका विषयमा भने अर्को बैठकमा छलफल हुने भएको छ । एकिकृत नेकपा ंमाओवादीले एक सदनात्मक संसद हुनुपर्ने भन्दै राखेको पूर्व अडानवाट पछि हटेपछि उपसमितिमा सहमति जुटेको हो । तर माओवादीले दुई सदनलाई अहिलेकै रुपमा नभएर त्यसलाई परिमार्जन गर्नुपर्ने बताएको छ । दुई सदनको नाम प्रतिनिधि सभा र राष्ट्रिय सभा राख्ने सहमति समेत उपसमितिले जुटाएको छ । उपसमितिका सदस्य एवं कांग्रेस संसदीय दलका नेता रामचन्द्र पौडेलले केन्द्रीय व्यबस्थापिका सम्बन्धी विबाद टुगिएकोले यसपछि धेरै प्रश्नको हल हुने बताउनुभयो । संवैधानीक समितिका सभापति निलाम्बर आचार्यले पहिलो दिनको छलफल सकारात्मक रहेकोले फागुन मसान्तसम्म विबाद टुिगंने विश्वास व्यक्त गर्नुभयो । प्रादेशिक सदन एक सदनात्मक बनाउने बिषयमा यसअघि उच्चस्तरिय कार्यदलले सहमति जुटाइसकेको छ । संविधानका विवादास्पद ७५ प्रश्न मध्ये करिव दुई दर्जन प्रश्नावली व्यवस्थापिका कति सदनात्मक हुने विषयसँग सम्वन्धित छन् । उपसमितिको अर्को बैठक विहिबार भएको छ ।

राष्ट्रपति यादवको चित्त चिकित्सकले दुखाए

चिकित्सकहरुले विभिन्न समयमा आपतकालिन सेवा समेत ठप्प पार्ने गरेको प्रति राष्ट्रपति डाक्टर रामवरण यादवले असन्तुष्टि पोख्नुभएको छ । विहिवारबाट नेपालगंजमा सुरु भएको चिकित्सक संघको २५औं सम्मेलन उदघाटन गर्दै राष्ट्रपति डाक्टर यादवले आकस्मिक सेवा वन्द नगर्न आग्रह गर्नुभयो । उहाले चिकित्सकहरुलाई आफ्नो जिम्मेवारी र पेशागत मर्यादाको पालना गर्न पनि आग्रह गर्नु भयो । संक्रमणकाल लम्बिएका कारण देशले निक्कै उतार चढाबको सामना गर्नु परेको उहाँले बताउनुभयो । लोकतन्त्रलाई स्थायित्व दिन सकिए नेपालले छिटटै आर्थिक क्षेत्रमा फड्को मार्ने उहाँको भनाई छ । राष्ट्रपति यादवले राजनीतिक अस्थिरताका कारण यति बेला नेपाली जनता मृगले कस्तुरी खोज्नका लागि भौतारिए जस्तै भौतारिरहेको बताउनुभयो । राष्ट्रपति यादबलाई संघले मानार्थ सदस्यता समेत प्रदान गरेको छ । स्वास्थ्य सेवा नपुगेको ठाउँमा सेवा पुर् याऔं भन्ने नाराका सम्मेलन सुरु भएको हो । सम्मेलनमा देश बिदेशका गरी २ हजार चिकित्सक सहभागि छन् । तीन दिन सम्म चल्ने सम्मेलनमा नेपाली तथा विदेशी चिकित्सकहरुबाट ६० भन्दा बढी कार्यपत्र प्रस्तुत गर्ने कार्यक्रम रहेको छ ।

एमालेको कुरा माओवादीले वुझेन

एकीकृत नेकपा माओवादीले सातबुँदे सहमतिबारे एमालेको निर्णयप्रति आपत्ति जनाउँदै थप स्पष्ट पार्न माग गरेको छ । िसंहदरवारमा आज माओवादी अध्यक्ष पुष्पकमल दाहाल र एमाले अध्यक्ष झलनाथ खनाल बीच भएको भेटमा दाहालले सात बँदे सहमतिको विषयमा एमालेलेको आधिकारीक धारणा माग गर्नुभएको थियो । दाहालको जवाफलमा खनालले सात बुँदेको मर्म जस्ताको तस्तै भएको र यस विषयमा सशंकीत नहुन आग्रह गर्नुभएको थियो । यस अघि हिजो बसेको दुई दलका शीर्ष नेताको बैठकमा पनि माओवादी अध्यक्ष पुष्पकमल दाहालले सातबुँदे सहमति पालना हुन्छ कि हुँदैन भन्ने प्रश्न गर्नुभएको थियो । जवाफमा एमाले अध्यक्ष तथा प्रधानमन्त्री झलनाथ खनालले सहमतिको भाषामा सामान्य परिमार्जन भए पनि पालना गर्दै अघि बढ्ने बताउनुभएको थियो । छलफलमा एमालेबाट प्रधानमन्त्री खनालका साथै बरिष्ठ नेता माधवकुमार नेपाल र महासचिव ईश्वर पोखरेल तथा माओवादीबाट अध्यक्ष दाहालका साथै उपाध्यक्षहरु मोहन बैद्य डाक्टर बाबुराम भट्टराई र नारायणकाजी श्रेष्ठ सहभागी हुनुहुन्थ्यो । छलफलमा माओवादीका नेताहरुले सातबुँदे सहमतिको आफूखुसी व्याख्या गरेको भन्दै आपत्ति जनाएपछि एमाले नेताहरुले १२ बुँदे सहमतिका आधारमा मुलुक यहाँसम्म आएको स्मरण गराउँदै त्यसको भावनाविपरित जाँदा अरु दलले नमान्ने भएकाले मध्यमार्गी बाटो निकालेको बताएका थिए । प्रधानमन्त्री खनाल र माओवादी नेताहरु बाहिरिएपछि एमाले संसदीय दलको कार्यालयमा नेता केपी ओलीसहित एमालेका तीन नेताको छुट्टै बैठक बसेको थियो ।

यहि चालले संविधान बन्छ ?

साना दलसहित तीन दलका शीर्ष नेता सम्मिलित समिति बनाउने विषयमा छलफल गर्न वसेको संवैधानिक समितिको बैठकमा सदस्यहरु वोल्ने क्रम नसकिएपछि आज समिति गठन भएन । संवैधानिक समितिका सभापति नीलाम्बर आचार्यको आह्वानमा हिजो बसेको तीन दलका शीर्ष नेताहरुको बैठकले अन्य दलसँग छलफल गरी संवैधानिक समितिको मातहत रहने गरी आज उपसमिति बनाउने निर्णय गरेका थिए । तर सबै सदस्यले बोल्नेक्रम नसकिएकाले यसबारेमा भोलिमात्र टुङ्गो लाग्ने समितिका सभापति निलाम्बर आचार्यले जानकारी दिनुभयो । बैठकमा कांग्रेसले राज्य पुनस्रंरचना आयोग गठन गर्नुपर्ने प्रस्ताव गरेको छ । संसदीय दलका नेता रामचन्द्र पौडेलले राज्य पुनस्रंरचना आयोग गठन गरी राज्य पुनस्रंरचना गरे समयमै संविधान निर्माण हुने बताउनुभयो । माओवादी नेता देव गुरुङले आयोग गठनप्रति असहमति जनाउँदै संविधान संशोधन गरी समितिको प्रतिवेदनमाथि नै छलफल गर्नुपर्ने बताउनुभयो । गुरुङले राज्य पुनस्रंरचना आयोग गठनबारे संविधानसभा अध्यक्ष र अन्य दलसँग छलफल गरी टुंग्याउनुपर्ने बताउनुभयो । तर संवैधानिक समितिका सभापति नीलाम्बर आचार्यले विवादित विषय संवैधानिक समितिले टुंग्याउन नसके सिधै संविधानसभामा जाने बताउनुभएको छ । तीन दलका शीर्ष नेताहरुले उपसमिति गठन गर्ने सहमति गरे पनि त्यसलाई संवैधानिक समितिले अनुमोदन गर्नुपर्ने उहाँको भनाई थियो । संविधानसभामा अझै ८३ बुँदामा सहमति जुट्न सकेको छैन ।

लिबियामा भइरहेको प्रदर्शनमा अमेरिकी समर्थन

अमेरिकी राष्ट्रपति बाराक ओबामाले लिबियामा भइरहेको शान्तिपूर्ण प्रदर्शनमाथि भएको िहंसात्मक दमनको निन्दा गरेका छन् । लिबियामा भइरहेको सरकार विरोधी प्रदर्शन बारे पहिलो सार्वजनिक प्रतिकि्रया दिने क्रममा राष्ट्रपति ओबामाले अमेरिका र उसका सहयोगी राष्ट्रहरु बिच कस्तो कदम चाल्ने भन्ने बारे छलफल भइरहेको बताएका छन् । सरकारले शान्तिपूर्ण प्रदर्शन माथि क्रु¢ दमन गरेको भन्दै यसको भागिदार पनि लिवियाको सरकार आफैं बन्ने पनि बताए । प्रदशर्नकारीहरुबाट राजधानी टि्रपोली सहित उत्तरी लिबियाका अन्य शहरहरु नियन्त्रणमा लिन राष्ट्रपति गद्दाफीको सरकार संघर्षरत रहको बेला अमेरिकी राष्ट्रपतिको यस्तो प्रतिकि्रया आएको हो । लिबियामा गत हप्ता देखि चलिरहेको प्रदर्शनीका क्रममा सयौंले ज्यान गुमाइसकेका छन् ।

नेपाल हङकङसंग पराजित

एसीसी महिला टी-ट्वान्टी कि्रकेट प्रतियोगिताको सेमिफाइनलबाट नेपाल वाहिरिएको छ । कुवेतको हुवारा कि्रकेट मैदानमा भएको सेमिफाईनल खेलमा नेपाल हङकङ पराजित भएको हो । नेपाल हङकङसंग ९ विकेटले पराजित भएको हो । यो पराजय संगै नेपालको फाइनल यात्रा अधुरो भएको छ । चीनले िसंगापुरलाई पराजित गर्दै समुह ए को विजेता बनेपछि नेपालको हङकङसंगको प्रतिस्पर्धा निश्चित भएको थियो । लगातार चार खेलमा जीत हात पार्दै नेपाल समुह बी को विजेता बनेको थियो । हङकङ पनि समुह ए को उपविजेता बन्दै अन्तिम चारमा प्रवेश गरेको थियो । नेपालले लिग चरणको पहिलो खेलमा थाइल्याण्डलाई दोस्रो खेलमा युएई तेस्रो खेलमा आयोजक कुवेत र लिग चरणको अन्तिम खेलमा मलेसियालाई पराजित गरेको थियो ।

माओवादीको देशब्यापी आम हडताल,शान्ति प्रकि्रया धरापमा

एकीकृत नेकपा माओवादीको आमहड्तालको छैठौं दिन आज पनि काठमाडौं उपत्यकालगायत देशभरको जनजीवन कष्टकर बन्यो । आज पनि ठाउँठाउँमा तोडफोड र झडप भएका छन् ।आज पनि माओवादीका कार्यकर्ताले काठमाडौंका विभिन्न स्थानमा प्रदर्शन गरेका थिए । त्यस क्रममा कतिपय स्थानमा झडप भएका थिए । विहानैदेखि ललितपुरका विभिन्न स्थानमा स्थानीय बासिन्दाको समूह र माओवादी कार्यकर्ताबीच्ा झडप भएको थियो । शांतिरयालीमा सहभागी हुन वसन्तपुर आउँदै गरेको उद्योग वाणिज्य महासंघ ललितपुरकॊ समूहलाई माओवादी कार्यकर्ताले कुपण्डोलमा अवरोध गरेपछि तनाव उत्पन्न भएको थियो । माओवादी कार्यकर्ताले शान्तिर् यालीमा जाने समूहलाई जान नदिएपछि झडप भएको थियो । माओवादी कार्यकर्ताले शान्तिर् यालीमा सहभागी हुन सहँडेकाहरुलाई आक्रमण गरेपछि स्थिति तनवग्रस्त भएको थियो । कुपण्डोलको टोलीलाई नेतृत्व गरेका माओवादी नेता देव गुरुङ र पम्फा भुसालले कार्यकर्तालाई शान्तिर् यालीमा सहभागी हुन हिँडेकालाई आक्रमण नगर्न आग्रह गरे पनि माओवादी कार्यकर्ताले नेताहरुको आग्रहसमेत अटेर गर्दै आक्रमण गरेका थिए । शान्तिर् यालीमा सहभागी हुन हिँडेको समूहमाथि माओवादी कार्यकर्ताले कुटपिट गरेपछि स्थिति थप तनावग्रस्त बनेको थियो । त्यसपछि प्रहरीले लाठिचार्च गरेको थियो ।कुपण्डोलको झडपमा एक सभासद्सहित दुई जना घाइते भएका थिए । विहान झडप भएको कुपण्डोल दिनभर शान्त बने पनि दिउँसो लालितपुरको पटनमन्दिरमा तनाव बढेको थियो । शान्तिर् यालीको नाममा स्थानीय बासिन्दाको समूह विभिन्न नारा लगाउँदै पाटनमन्दिर परिसरमा पुगेको थियो । उनीहरुले त्यहाँ माओवादीको झन्डासहित आएको गाडी पल्टाइदिएका थिए । त्यसपछि पाटन कृष्णमन्दिरको अवस्था तनावग्रस्त बनेको थियो । माओवादीविरुद्ध विभिन्न नारा लागउँदै आएको समूहले शान्तिर् यालीमा सहभागी हुन स्थानीय बासिन्दालाई घन्ट बजाएर सूचनासमेत दिएको थियो । स्थानीय युवाहरुले पाटन कृष्णमन्दिरमा नाराजुलुस गरिरहेपछि लाठ्ठी र रडसहित आएका माओवादीका कार्यकर्ताले लखेटेका थिए । त्यस क्रममा माओवादी कार्यकर्ताले ढुंगा प्रहार गर्दा केही स्थानीय बासिन्दा घाइते भएका छन् । झडप नियन्त्रण गर्न प्रहरीलाई हम्मे-हम्मे परेको थियो । पाटनका स्थानीय बासिन्दाको समूहले स्थानीय बासिन्दाको शान्तिपूर्ण र् यालीमा माओवादी कार्यकर्ताले आक्रमण गरेको बताएका छन् ।

wow

२२दल एक ठाउँ

प्रकाश गिरीसत्तारुढ २२दलको विहिवार साउन २९गते प्रधानमन्त्री निवास वालुवाटारमा वसेको वैठकले उपराष्ट्रपति परमानन्द झालाइ नेपाली भाषामा पुन सपथ लिन आग्रह गरेको छ । अन्तरिम संविधानमा मातृभाषामा सपथ लिने ब्यवस्था नभएकॊले यसपटक नेपालीमा नै सपथ लिन यी दलहरुले आग्र गरेका हुन । गत वर्ष उपराष्ट्रपति भएपछि झाले नेपालीमा सपथ लिनु असंवैधानिक भन्दै सर्वोच्च अदालतमा परेको रिटमा सुनुवाइ गर्दै अदालतले उहालाइ पुन नेपाली सपथ लिन निर्देशन दिएको थियो । तर उपराष्ट्रपति झाले भने मानिरहनुभएको छैन । त्यस्तै २२दलको वैठकले भदौ १ हुने संवैधानिक समितिको सभापतिको उम्मेदवार साझा वनाउने कसरत पनि गरेका छन । तर वैठकमा साना दलले भने माले नेता सि पी मैनालीलाइ पनि उम्मेदवार उठाउने वताएर साझा उम्मेदवार तय गर्न वाट रोकेका छन । सभापतिको लागि कांग्रेसले नीलाम्वर आचार्य तथा माओवादीले डा।वावुराम भट्टराइलाइ उठाउने निर्णय गरेको छ । यो वैठकमा माओवादी भने सहभागी थिएन । वहुमत सदस्य कांग्रेस उम्मेदवारको पक्षमा रहेकोले छिटै नाटकिय परिवर्तन भएन भने संवैधानिक समितिको अध्यक्षमा निलाम्वर आचार्य निर्वाचित हुने लगभग निश्चित छ ।

आन्दोलनको चेतावनि

एकिकृत नेकपा माओवादीका उपाध्यक्ष डाक्टर बाबुराम भट्टराईले अहिले पनि लोकतन्त्रको उपहास भइरहको भन्दै नयाँ नेपाल निर्माणमा क्रान्ति अझै पुरा नभएको बताउनुभएको छ । नेपाल इन्जिनियस्र पुर्वाधार बिकास समाजले आज काठमाडौंमा गरेको नयाँ नेपालमा प्रविधिको बिकास विषयक गोष्ठिमा नेता भट्टराईले देशि बिदेशि शक्तिको आडमा प्रतिगमनको बाटो तर्फ देशलाई लैजाने प्रयास भएको भन्दै क्रान्तिलाई पुर्णता दिन आन्दोलन गर्न लागेको स्पष्ट पार्नुभयो । नेतम भट्टराईले अहिलेको अवस्थामा देशलाई रक्तपात र द्धन्द्धबाट रोक्न शान्ति सिवंधान र नागरीक सर्वोच्चताको ग्यारेन्टी आफहरुको माग भएको बताउनुभयो । नेपाल इन्जिनियस्र पुर्वाधार बिकास समाजको गोष्ठिमा पुर्व अर्थमन्त्री समेत रहनुभएका भट्टराईले ग्रामिण क्षेत्रमा सूचनाको पहुँच पुर् याउन आर्थिक नीति पनि समयानुकुल परिवर्तन गर्दै बजारमुखी अर्थतन्त्रको बिकास गर्नुपर्ने बताउनुभयो ।