रामनाथ ढकाल सवार गाडीमाथि ढुङ्गा प्रहार

राज्य व्यवस्था समिति सभापति रामनाथ ढकाल सवार गाडीमाथि बुधबार राजधानीको ब्यस्त चोकमा ढुङ्गा प्रहार भएको छ । संविधानसभा भवन नयाँबानेश्वरबाट निवासतर्फ जाँदै गरेका ढकालमाथि पुतलिसडक चोकमा शंकरदेव क्याम्पस तिरबाट ढुङ्गा प्रहार भएको हो । ढुङ्गाप्रहारबाट उनी चेडको बा १ झ ८५०० नम्बरको सरकारी गाडीको पछाडीको सिसा फुटेको छ । विस्तारै जाँदै गरेका बेला तोकेर प्रहार गरिएको ढुङ्गाले आफ्नो कोटमा लागेको ढकालले जानकारी दिए । घटनालगत्तै सभापति ढकालले उपत्यका प्रहरी कार्यालयमा पुगी घटना विवरण टिपाएका छन् । एमाले सभासद् ढकाल सभापति रहेको राज्यब्यवस्था समितिको कार्यक्षेत्रमा प्रधानमन्त्री तथा मन्त्रिपरिषद्को कार्यालयदेखि सबै सुरक्षा निकाय पर्छन् । उनले बुधबार संसदमा विशेष समय लिएर बोल्दै मुलुकको शान्ति सुरक्षाको अवस्था दयनिय रहेकोमा चिन्ता ब्यक्त गरेका थिए । प्रधानमन्त्री बाबुराम भट्टराई नेतृत्वको सरकार गठन भएयता मात्र १० जनाको हत्या भएको उल्लेख गर्दै नागरिक असुरक्षाप्रति जिम्मेवार बन्न उनले सरकारको ध्यानाकर्षण गराएका थिए ।

प्रधानमन्त्री खनालको विश्वास

प्रधानमन्त्री झलनाथ खनालले शान्ति प्रकि्रयालाई टुंगोमा पुर् याउन र संविधान जारी गर्न दलहरुबीच सहमति भए बांकी समयमा संविधान जारी हुनसक्ने दावी गर्नुभएको छ । प्रथम महिला सगरमाथा आरोहि पासाङ्ल्हामु शेर्पाले सर्वोच्च शिखर सगरमाथाको सफल आरोहण गरेको १८ औं वार्षीकोत्सवको अवसरमा काठमाडौमा आज भएको कार्यक्रममा प्रधानमन्त्री खनालले संविधान जारी भएपछि मात्र मुलुकको सर्वाङ्गीण विकास संभव हुने स्पष्ट पार्नुभयो । वर्तमान सरकारको मुल कार्यभार शान्ति र संविधान लेखन भएको वताउदै प्रधानमन्त्री खनालले मुलुकलाई संक्रमणकालबाट मुक्त गर्न दलहरुबीच एकता जरुरी रहेको विचार ब्यक्त गर्नुभयो । प्रधानमन्त्री खनालले राजनीतिक संक्रमण नटुंगीएसम्म आर्थीक तथा सामाजीक क्षेत्रको विकास असंभव रहेको पनि बताउनुभयो । कार्यक्रममा प्रधानमन्त्री खनालले पासाङ्ग ल्हामु कलेजका उत्कृष्ट विद्यार्थीलाई पुरस्कार प्रदान गर्नुभएको थियो ।

परेवा उडाएर संविधान वनाउने कामना

निर्धारित समयमा संविधान जारी गर्न नेताहरुलाई दबाब दिन नेपाल परेवा पालक संघले १२ औं परेवा उडान प्रतियोगिता गरेको छ । प्रतियोगिताको आज काठमाडौमा बौद्ध भिक्ष्ाले शान्तिको पाठ गरेपछि उद्घाटन गरिएको हो । दिगो शान्ति बहालीको कामना गर्दै परेवा पालक संघले २०५७ सालदेखि शान्तिको प्रतीक परेवा उडाउने कार्यक्रम गर्दै आएको छ । परेवा उडान प्रतियोगिता यही १७ गतेदेखि ३१ गतेसम्म साचालन हुनेछ । प्रतियोगितामा यस वर्ष २१ परेवा पालक सहभागी छन् । प्रतियोगितामा प्रथम द्धितीय र तृतीय हुनेलाई शिल्ड र प्रमाणपत्र दिइने छ ।

करिश्माको कटटुको अनौठो कथा

रातो राम्रो गुलियो मिठो वैंश छदा खेरि । यो पुरानो नेपाली गीत अझै पनि उतिकै चल्तिमा छ । खासगरि युवाहरु युवतीलाई जिस्काउदा यो गीत अझै पनि गुनगुनाउन पछि पर्दैनन ।
छिमेकका युवतीले कहिले पेन्टी देखाएर त कहिले पेन्टी नै नलगाए गुप्ताङ देखाएर दुनियालाई लुब्ध पारिरहेको खवर पढन पाउदा हामी नेपाली पनि कम रोमाञ्चित भएका थिएनौं । अनि यो खबर भन्दा यस संगै छापिएको फोटोको मोह त झन कति हो कति रु यो खवर पढदा हाम्रोमा त कम्तिमा यति धेरै मुख फुकेका मैयाहरु छैनन भनेर कहिले गर्व कहिले विरक्त मान्ने युवाहरुको जमात कम्ति थिएन नेपालमा । तर यसो भन्ने दिन पनि गए अब नेपालमा ।
गार्मेन्टमा काम गर्दा गर्दै नेपाली चलचित्र क्षेत्रमा आएकि करिश्मा मानन्धर अहिले अभिनयको कारणले भन्दा पनि पेन्टी देखाएकै भरमा चर्चामा छिन । उमेरले ४० नाघेपनि अझै पनि युवाहरुलाई फकाउन उनले एक पटक रातो पेन्टी त अर्को पटक कालो पेन्टी देखाए र तिनलाई लुब्ध पार्ने कोशिश गरेकी छिन । यतिले मात्र नपुगेर उनले आफनो पुष्ट छातीमा रातो गुरासको पेन्टिङ पनि गरेकी छिन । अब केटाहरुलाई चैन मिलेको छ –किनभने तल हेरे पनि भयो अनि ढुक्कसंग करिश्मको गुरास हेरे पनि भयो । बरु यसरी हेर्ने युवाहरुलाई रातो राम्रो होला कि कालो कुन्नि ?

भुटानले वार्ता समिति सकि्रय वनाउने

भुटानी प्रधानमन्त्री जिग्मे वाइ थिन्लेले द्धिपक्षिय वार्ता गरेर भुटान छाडेर नेपाल आएका आफ्ना वास्तविक नागरिकलाई फिर्ता लान सकिने बताउनुभएको छ । तीन दिने नेपाल भ्रमण सकेर स्वदेश फर्किने क्रममा भुटानी प्रधानमन्त्री थिन्लेले छिट्टै द्धिपक्षीय वार्ता थाल्ने सहमति भएको र कति शरणार्थी फिर्ता लाने भन्ने बारे चांडै निर्णय गर्न सकिने पनि बताउनुभयो । २०६० कार्तिक ३ गतेदेखि अवरुद्ध भएकॊ नेपाल भुटान-संयुक्त दिपक्षीय वार्ता समितिलाई सकि्रय बनाउने सहमति भएको पनि थिन्लेले जानकारी दिनुभयो । दक्षिण एसीयाली क्षेत्रीय सहयोग संगठन सार्कको अध्यक्षको हैसियतमा नेपाल भ्रमणमा आउनु भएका भुटानी प्रधानमन्त्रीले व्यापार वाणिज्य पर्यटन जलबायु परिवर्तनका विषयमा नेपाली समकक्षीसँग छलफल भएको जानकारी दिनुभयो । पत्रकार सम्मेलनमा साचारकर्मीले शरणार्थीको संख्या बारे प्रश्नगर्दा थिन्ले ८० हजार शरणार्थी छन् भन्ने बारे आफ्नो सरकारलाईलाई थाहै नभएको भन्दै पन्छिनु भएको थियो । शरणार्थीका विषयमा नेपालले चासो देखाउँदै आएपनि भुटानी पक्ष यस विषयमा उदासीन बनेपछि नेपालमा रहेका करिव ४४ हजार भुटानी शहरणार्थी विश्विका विभिन्न मुलुकमा स्थानान्तरण भइसकेका छन् । सन् १९९० देखि कूल जनसंख्याको २० प्रतिशत नेपाल भाषीलाई भुटान सरकारले बलपूर्वक देश निकाला गरेको थियो ।

कहाँ छ शान्ति ?

काठमाडौको बसुन्धरामा आज विहान पाकिस्तानी दुतावासका एक कर्मचारी माथि गोली प्रहार भएको छ । घटनास्थलबाट प्रहरीले बा।१६ प को ९०४५ नंवरको कालो स्प्लेन्डर नियन्त्रणमा लिएको छ । बसुन्धरा पोलीक्लिनीक अगाडी पैदल िहंडेर आएका दुई जनाले गोली चलाएको अनुमान प्रहरीले गरेको छ । पाकिस्तानी दुतावास जांदै गरेका मेहवुव आसिफलाई तीन गोली लागेको र उनको ओम अस्पतालमा उपचार हुन नसकेपछि शिक्षण अस्पतालमा भर्ना गरिएको छ । घाइते मेहवुव दुतावासको राहदानी शाखामा युडिसी जिम्मेवारी सम्हाल्दै आएका अधिकारी हुन् । प्रहरीले घटनास्थलमा चार राउण्ड गोली चलेको जानकारी दिएको छ । मेहवुवको पेटु पाखुरामा एक-एक गोली लागेको छ भने हेलमेट लगाएकाले टाउकोमा हानेको गोली चिप्लीएको थियो । गोली चलाए लगत्तै दुई युवाले मेहवुव चढेकै मोटरसाइकल लिएर भाग्ने प्रयास गरेका थिए । प्रहरीले अहिलेसम्म घटनामा संलग्न कसैलाई पक्रेको छैन । पछिल्लो एक सातामा काठमाडौमा गोली चलेको यो दोस्रो घटना हो । यसअघी काठमाडौकै खिचापोखरीमा गत साता एक भारतीय व्यापारीको हत्या भएको थियो । लगत्तै दुई दिन अघी मात्र मन्त्रीमा नियुक्त भएका गोकर्ण विष्ट माथि खुकुरी प्रहार भएको थियो । प्रहरीले अहिलेसम्म कुनै पनि घटनामा संलग्नलाई पक्रेको छैन ।

अलकायदाले मान्छे उचालेको गद्धाफीको आरोप

लिबियाका नेता कर्नल मुअम्मर गद्दाफीले लिबियाका जनताले आफुलाई माया गर्ने दावी गर्दै आफनो विरुद्ध उनीहरु प्रर्दशनमा नउत्रिएको बताएका छन् । गद्दाफीले प्रर्दशनकारीलाई अल कायदाले उस्काएको आरोप पनि लगाएका छन । विविसिसंगको अन्र्तवार्तामा गद्दाफीले लिबियाका जनता आफू प्रति बफादार रहेको वताएका छन । उनले सुरक्षाकर्मीलाई प्रर्दशनकारी माथि गोली प्रहार गर्न आदेश नदिएको पनि दावी गरे । यसैबीच लिबियाको मिसारत शहरमा प्रर्दशनकारी र समर्थकबीच झडप भएको छ ।

भुटानी प्रधानमन्त्री नेपालमा

भुटानका प्रधानमन्त्री जिग्मे वाई थिन्ले तीन दिने भ्रमणका लागि आज काठमाडौं आईपुग्नु भएको छ । थिन्ले त्रिभुवन अन्तरराष्ट्रिय विमानस्थलबाट सोझै राजधानीको याक एण्ड यती होटल पुग्नु भएको थियो । दक्षिण एशियाली क्षेत्रीय संगठन सार्कका अध्यक्षसमेत रहेका प्रधानमन्त्री थिन्ले माल्दिभ्सको मालेमा हुन लागेको आगामी सार्क शिखर सम्मेलनको पूर्वसन्ध्यामा ६ महिने मध्यावधि मुल्याङ्कनका लागि नेपाल आउनु भएको हो । तीन दिने नेपाल बसाइका क्रममा उहाँले राष्ट्रपति डाक्टर रामवरण यादव सहित नेपाली समकक्षी झलनाथ खनाल सभामुख सुभाष नेम्वाङ् लगायत प्रमुख राजनीतिक दलका नेतासित भेटवार्ता गर्ने कार्यक्रम छ । भुटानी शरणार्थीको घर फिर्तीका बिषयमा पनि थिन्लेले छलफल गर्ने बताइएको छ ।

केन्द्रिय संसद दु्ई सदनात्मक वनाउने सहमति

नयाँ संविधानमा केन्द्रिय व्यवस्थापिका-संसद दुई सदनात्मक राख्ने सहमति भएको छ । संबिधानका विवादास्पद विषय टुग्याउन गठित संवैधानिक समिति अन्र्तगतको उपसमितिको आज संसद सचिवालयमा बसेको पहिलो बैठकले यस्तो सहमति गरेको हो । यो दुई सदनात्मक ब्यवस्थापिका संसदको क्षेत्राधिकारका विषयमा भने अर्को बैठकमा छलफल हुने भएको छ । एकिकृत नेकपा ंमाओवादीले एक सदनात्मक संसद हुनुपर्ने भन्दै राखेको पूर्व अडानवाट पछि हटेपछि उपसमितिमा सहमति जुटेको हो । तर माओवादीले दुई सदनलाई अहिलेकै रुपमा नभएर त्यसलाई परिमार्जन गर्नुपर्ने बताएको छ । दुई सदनको नाम प्रतिनिधि सभा र राष्ट्रिय सभा राख्ने सहमति समेत उपसमितिले जुटाएको छ । उपसमितिका सदस्य एवं कांग्रेस संसदीय दलका नेता रामचन्द्र पौडेलले केन्द्रीय व्यबस्थापिका सम्बन्धी विबाद टुगिएकोले यसपछि धेरै प्रश्नको हल हुने बताउनुभयो । संवैधानीक समितिका सभापति निलाम्बर आचार्यले पहिलो दिनको छलफल सकारात्मक रहेकोले फागुन मसान्तसम्म विबाद टुिगंने विश्वास व्यक्त गर्नुभयो । प्रादेशिक सदन एक सदनात्मक बनाउने बिषयमा यसअघि उच्चस्तरिय कार्यदलले सहमति जुटाइसकेको छ । संविधानका विवादास्पद ७५ प्रश्न मध्ये करिव दुई दर्जन प्रश्नावली व्यवस्थापिका कति सदनात्मक हुने विषयसँग सम्वन्धित छन् । उपसमितिको अर्को बैठक विहिबार भएको छ ।

राष्ट्रपति यादवको चित्त चिकित्सकले दुखाए

चिकित्सकहरुले विभिन्न समयमा आपतकालिन सेवा समेत ठप्प पार्ने गरेको प्रति राष्ट्रपति डाक्टर रामवरण यादवले असन्तुष्टि पोख्नुभएको छ । विहिवारबाट नेपालगंजमा सुरु भएको चिकित्सक संघको २५औं सम्मेलन उदघाटन गर्दै राष्ट्रपति डाक्टर यादवले आकस्मिक सेवा वन्द नगर्न आग्रह गर्नुभयो । उहाले चिकित्सकहरुलाई आफ्नो जिम्मेवारी र पेशागत मर्यादाको पालना गर्न पनि आग्रह गर्नु भयो । संक्रमणकाल लम्बिएका कारण देशले निक्कै उतार चढाबको सामना गर्नु परेको उहाँले बताउनुभयो । लोकतन्त्रलाई स्थायित्व दिन सकिए नेपालले छिटटै आर्थिक क्षेत्रमा फड्को मार्ने उहाँको भनाई छ । राष्ट्रपति यादवले राजनीतिक अस्थिरताका कारण यति बेला नेपाली जनता मृगले कस्तुरी खोज्नका लागि भौतारिए जस्तै भौतारिरहेको बताउनुभयो । राष्ट्रपति यादबलाई संघले मानार्थ सदस्यता समेत प्रदान गरेको छ । स्वास्थ्य सेवा नपुगेको ठाउँमा सेवा पुर् याऔं भन्ने नाराका सम्मेलन सुरु भएको हो । सम्मेलनमा देश बिदेशका गरी २ हजार चिकित्सक सहभागि छन् । तीन दिन सम्म चल्ने सम्मेलनमा नेपाली तथा विदेशी चिकित्सकहरुबाट ६० भन्दा बढी कार्यपत्र प्रस्तुत गर्ने कार्यक्रम रहेको छ ।

एमालेको कुरा माओवादीले वुझेन

एकीकृत नेकपा माओवादीले सातबुँदे सहमतिबारे एमालेको निर्णयप्रति आपत्ति जनाउँदै थप स्पष्ट पार्न माग गरेको छ । िसंहदरवारमा आज माओवादी अध्यक्ष पुष्पकमल दाहाल र एमाले अध्यक्ष झलनाथ खनाल बीच भएको भेटमा दाहालले सात बँदे सहमतिको विषयमा एमालेलेको आधिकारीक धारणा माग गर्नुभएको थियो । दाहालको जवाफलमा खनालले सात बुँदेको मर्म जस्ताको तस्तै भएको र यस विषयमा सशंकीत नहुन आग्रह गर्नुभएको थियो । यस अघि हिजो बसेको दुई दलका शीर्ष नेताको बैठकमा पनि माओवादी अध्यक्ष पुष्पकमल दाहालले सातबुँदे सहमति पालना हुन्छ कि हुँदैन भन्ने प्रश्न गर्नुभएको थियो । जवाफमा एमाले अध्यक्ष तथा प्रधानमन्त्री झलनाथ खनालले सहमतिको भाषामा सामान्य परिमार्जन भए पनि पालना गर्दै अघि बढ्ने बताउनुभएको थियो । छलफलमा एमालेबाट प्रधानमन्त्री खनालका साथै बरिष्ठ नेता माधवकुमार नेपाल र महासचिव ईश्वर पोखरेल तथा माओवादीबाट अध्यक्ष दाहालका साथै उपाध्यक्षहरु मोहन बैद्य डाक्टर बाबुराम भट्टराई र नारायणकाजी श्रेष्ठ सहभागी हुनुहुन्थ्यो । छलफलमा माओवादीका नेताहरुले सातबुँदे सहमतिको आफूखुसी व्याख्या गरेको भन्दै आपत्ति जनाएपछि एमाले नेताहरुले १२ बुँदे सहमतिका आधारमा मुलुक यहाँसम्म आएको स्मरण गराउँदै त्यसको भावनाविपरित जाँदा अरु दलले नमान्ने भएकाले मध्यमार्गी बाटो निकालेको बताएका थिए । प्रधानमन्त्री खनाल र माओवादी नेताहरु बाहिरिएपछि एमाले संसदीय दलको कार्यालयमा नेता केपी ओलीसहित एमालेका तीन नेताको छुट्टै बैठक बसेको थियो ।

यहि चालले संविधान बन्छ ?

साना दलसहित तीन दलका शीर्ष नेता सम्मिलित समिति बनाउने विषयमा छलफल गर्न वसेको संवैधानिक समितिको बैठकमा सदस्यहरु वोल्ने क्रम नसकिएपछि आज समिति गठन भएन । संवैधानिक समितिका सभापति नीलाम्बर आचार्यको आह्वानमा हिजो बसेको तीन दलका शीर्ष नेताहरुको बैठकले अन्य दलसँग छलफल गरी संवैधानिक समितिको मातहत रहने गरी आज उपसमिति बनाउने निर्णय गरेका थिए । तर सबै सदस्यले बोल्नेक्रम नसकिएकाले यसबारेमा भोलिमात्र टुङ्गो लाग्ने समितिका सभापति निलाम्बर आचार्यले जानकारी दिनुभयो । बैठकमा कांग्रेसले राज्य पुनस्रंरचना आयोग गठन गर्नुपर्ने प्रस्ताव गरेको छ । संसदीय दलका नेता रामचन्द्र पौडेलले राज्य पुनस्रंरचना आयोग गठन गरी राज्य पुनस्रंरचना गरे समयमै संविधान निर्माण हुने बताउनुभयो । माओवादी नेता देव गुरुङले आयोग गठनप्रति असहमति जनाउँदै संविधान संशोधन गरी समितिको प्रतिवेदनमाथि नै छलफल गर्नुपर्ने बताउनुभयो । गुरुङले राज्य पुनस्रंरचना आयोग गठनबारे संविधानसभा अध्यक्ष र अन्य दलसँग छलफल गरी टुंग्याउनुपर्ने बताउनुभयो । तर संवैधानिक समितिका सभापति नीलाम्बर आचार्यले विवादित विषय संवैधानिक समितिले टुंग्याउन नसके सिधै संविधानसभामा जाने बताउनुभएको छ । तीन दलका शीर्ष नेताहरुले उपसमिति गठन गर्ने सहमति गरे पनि त्यसलाई संवैधानिक समितिले अनुमोदन गर्नुपर्ने उहाँको भनाई थियो । संविधानसभामा अझै ८३ बुँदामा सहमति जुट्न सकेको छैन ।